കലണ്ടര്‍

പുതു വര്‍ഷത്തിലേക്ക് പ്രവേശിക്കുന്നത് എപ്പൊഴും സന്തോഷത്തിനു വക നല്‍കുന്ന ഒന്നാണ്.
കാരണം, പുതുജീവിതത്തിന്‍റെയും പുതിയ തുടക്കത്തിന്‍റെയും പൊന്‍പുലരി ഒരുക്കുന്നതാണ് പുതു വര്‍ഷം.
എന്നാല്‍, ഈ ആമോദത്തിലും കഴിഞ്ഞു പോയ കാലത്തെ ഒന്ന് വിലയിരുത്താന്‍ നാം ശ്രമിക്കണം. സന്തോഷത്തിന്‍റെയും സന്താപത്തിന്‍റെയും നിമിഷങ്ങള്‍, സ്നേഹത്തിന്‍റെയും വിദ്വേഷത്തിന്‍റെയും അനുഭവങ്ങള്‍, പ്രയാസങ്ങള്‍ പരിഭവങ്ങള്‍ പ്രതീക്ഷകള്‍ താത്പര്യങ്ങള്‍ വിവിധങ്ങളായ വിഷയങ്ങളിലെ നമ്മുടെ സമീപനങ്ങള്‍ എല്ലാം നമ്മുടെ വ്യക്തിത്വത്തെ എങ്ങിനെ രൂപപ്പെടുത്തി എന്നത് ആലോചിക്കേണ്ടത് ഈ അവസരത്തില്‍ വളരെ പ്രാധാന്യം അര്‍ഹിക്കുന്ന ഒന്നാണ്. കഴിഞ്ഞ കാലത്തെ നന്മകളെ പരിപോഷിപ്പിച്ചു കൊണ്ടും, തെറ്റിനെ തിരുത്തിയും വ്യക്തമായ ഒരു കാഴ്ചപ്പാടുമായി ജീവിതത്തെ യാതാര്‍ത്ഥ്യബോധത്തോടെ നോക്കികാണാന്‍ നമുക്കാകണം.




ഒരു പക്ഷെ, ഓര്‍മ്മിക്കുവാനും ഓമനിക്കാനും തക്കതുള്ള ഒട്ടേറെ കാര്യങ്ങള്‍ ഒന്നും നാം ചെയ്തിട്ടുണ്ടാവില്ല..
നേരെമറിച്ച്, അവസരങ്ങള്‍ നഷ്ടപ്പെടുത്തിയ ധാരാളം അനുഭവങ്ങള്‍ ‌നമ്മുടെ ഓര്‍മ്മയില്‍ വന്നേക്കാം.,. നമുക്ക് സാധ്യമായ പലതിനെയും നാം വിസമ്മച്ചതിന്‍റെ കാരണമായി വന്ന നഷ്ടങ്ങളുടെ കഥയാകും നമുക്കധികമായി പറയാനാവുക.
എന്നാല്‍, വീണ്ടുമൊരു അവസരം എന്നതിന്‍റെ തെളിവാണ് നാമിന്നും ഈ പുതുവര്‍ഷപ്പുലരിക്കായ് ബാക്കിയായിയിരിക്കുന്നത്. ഇനിയും നാം തുടക്കം മുതല്‍ തന്നെ ശ്രദ്ധിച്ചില്ലെങ്കില്‍ മറ്റൊരു പുതുവര്‍ഷത്തിന്‍റെ തലേ നാളിലും നമുക്ക് കഷ്ടനഷ്ടങ്ങളുടെ കണക്കെടുപ്പിനേ സമയം കാണൂ... !!!

നമ്മുടെ ജീവിതത്തിന്‍റെ ഓരോ നിമിഷവും നമ്മുടെ ജീവിതത്തിന്‍റെ മൂലധനമാണ്. ഈ നിമിഷങ്ങളത്രയും മണിക്കൂറ്കള്‍ക്കും ദിവസങ്ങള്‍ക്കും ആഴച്ചകള്‍ക്കും മാസങ്ങള്‍ക്കും വേഗത കൂട്ടാന്‍ വഴിമാറികൊടുക്കും. ഇവയെല്ലാം കൂടെ ഒരു വര്‍ഷമായി പരിണമിക്കാന്‍ അത്രയധികം സമയം വേണ്ടെന്ന് ചുരുക്കം..!! ഈ സമയങ്ങളെ യഥാവിധി പ്രയോജനപ്പെടുത്താന്‍ കഴിവുള്ളവരാരോ അവരാണ് യഥാര്‍ത്ഥ വിജയി...!! അത് കൊണ്ട്, നമ്മുടെ ഓരോ നിമിഷങ്ങളേയും നമ്മുടെയും സമൂഹത്തിന്‍റെയും നന്മയ്ക്കുപകരിക്കുന്ന തരത്തില്‍ വിനിയോഗിക്കുവാന്‍ നാം ശ്രമിക്കേണ്ടതുണ്ട്‌. അതിന്‍റെ ഫലപ്രാപ്തിക്കായ് നാം നിരന്തരം ജാഗ്രതയോടെ ജീവിക്കെണ്ടാതുമുണ്ട്.

ഒരു പട്ടണത്തിലെ സമയ സൂചികയില്‍ എഴുതപ്പെട്ട ഒരു വാക്യമുണ്ട് പോലും, "സമയം അവസാനിക്കുന്നതിനു മുമ്പ് സമയത്തെക്കുറിച്ചോര്‍മ്മിക്കുക"..എന്ന്. നമ്മുടെ സമയം ഏത് നിമിഷവും നിലക്കാം.. ! ലഭ്യമായ സമയത്തിന്നുള്ളില്‍ നിന്ന് കൊണ്ട് നമ്മുടെ ജീവിതത്തില്‍ ഉന്നതിക്കായി നമുക്കെന്തു ചെയ്യാന്‍ ഒക്കുമെന്ന ചിന്തയില്‍ നിന്നും അന്വേഷണത്തില്‍ നിന്നും നാം രാജിയാകാതിരിക്കുകയും,. നമുക്ക് ചെയ്യാന്‍ സാധ്യമാകുന്നതിന്‍റെ പരമാവധി ചെയ്യാന്‍ നാം പരിശ്രമിക്കുകയും വേണം. പിന്നീടൊരവസരത്തില്‍, എനിക്ക് ചെയ്യുവാന്‍ സാധിക്കുമായിരുന്നപ്പോള്‍ ഞാന്‍ അതിനെ ചെയ്തില്ല. എന്നാല്‍, ഇപ്പോള്‍ എനിക്കതിനെ ചെയ്യുവാന്‍ ആഗ്രഹം ഉണ്ടെങ്കിലും എനിക്കതിന് സാധിക്കുന്നില്ലല്ലോ.. എന്ന പരിഭവം പറച്ചില് കൊണ്ട് യാതൊരു {നല്ലതോ തിയ്യതോ ആയ}ഗുണവുമില്ലാ... ലോകത്തെല്ലാ പേര്‍ക്കും തുല്യമായി ലഭിക്കുന്ന ഒന്ന്. അത് സമയം മാത്രമാണ്. അതിനെ ഗുണപരമായ കാര്യങ്ങള്‍ക്ക് വേണ്ടി പരമാവധി പ്രയോജനപ്പെടുത്തുക.,..

പ്രിയ കൂട്ടുകാര്‍ക്കുള്ള എന്‍റെ പുതുവര്‍ഷ ആശസയും സമ്മാനവും ഇത് തന്നെ..!!!!